Moti i keq ka përfshirë të gjithë vendin, duke shkaktuar reshje shiu dhe erë të fortë gjatë natës dhe orëve të para të mëngjesit, kryesisht në zonën veriore. Kjo ka sjellë rënie gurësh dhe inertesh, të cilat janë pastruar menjëherë nga autoritetet.
Në akset Bogë-Theth dhe Hani i Hotit-Tamarë, ku lartësia është mbi 1200 metra, janë regjistruar reshje dëbore.
Grupet e punës me mjetet borëpastruese janë në terren dhe po pastrojnë rrugët, duke siguruar një qarkullim të normalizuar.
ARRSH apelon për kujdes të shtuar për drejtuesit e mjeteve, për shkak të lagështirës dhe mundësisë për rrëshqitje në rrugë.
