Policia apelon për kujdes të shtuar nga drejtuesit e mjeteve gjatë ngarjes së automjetit.
Po ashtu, ajo kërkon nga drejtuesit e motomjeteve, biçikletave dhe monopatinave që të veshin jelekë fosforeshentë gjatë natës, për të parandaluar përfshirjen në aksidente rrugore.
Për këmbësorët, Policia bën thirrje për kujdes të veçantë kur kalojnë nga njëra anë e rrugës në tjetrën.
Gjithashtu, autoritetet kanë vënë në dispozicion numrat e kontaktit për të raportuar çdo problematikë në rrugë.
Apeli nga Policia e Shtetit:
Nisur nga moti i keq, me reshje të dendura shiu dhe erë të fortë, Policia Rrugore apelon për:
Kujdes maksimal për përdoruesit e rrugës:
Moderoni shpejtësinë, pasi në disa akse rrugore ka prezencë të ujit;
Jepini përparësi këmbësorëve dhe respektoni sinjalistikën rrugore;
Mos përdorni telefonin gjatë drejtimit të mjetit dhe vendosni rripin e sigurimit;
Mos kryeni parakalime të gabuara.
Drejtuesit e motomjeteve, biçikletave dhe monopatinave: Të veshin jelek fosforeshent gjatë natës për të shmangur përfshirjen në ngjarje rrugore.
Këmbësorët: Të tregojnë kujdes maksimal kur kalojnë nga njëri kah i rrugës në tjetrin.
Policia Rrugore është në detyrë për të parandaluar ngjarjet rrugore dhe për t’ju ardhur në ndihmë përdoruesve të rrugës në nevojë.
Kontributi i të gjithëve është thelbësor për të shmangur aksidentet dhe për të eliminuar vonesat në trafik.
Për çdo problematikë që lidhet me punën e Policisë, telefononi në numrin pa pagesë 112.
