Në Spanjën jugore, mijëra banorë janë evakuuar për shkak të një alarmi të kuq të motit për shi të dendur dhe stuhi.
Provinca e Malagas po përballet me një situatë të përkeqësuar orë pas ore, ndërsa rreth 3,000 persona janë zhvendosur nga zona me rrezik të lartë përmbytjeje pranë lumit Guadalhorce dhe në lagjen Campanillas.
Rajoni është prekur nga një fenomen ekstrem i motit i njohur si DANA, që pritet të intensifikohet gjatë javës.
Shërbimet e emergjencës po përpiqen të ndihmojnë banorët në disa nga zonat turistike të njohura si Marbella, Velez, dhe Estepona. Agjencia meteorologjike spanjolle (AEMET) ka vendosur në alarme të kuqe dhe portokalli disa rajone, përfshirë Katalonjën, Ishujt Balearik, Valencian dhe Andaluzinë.
Alarmi i kuq mbetet në fuqi deri të paktën agimin e së enjtes për provincat Malaga, Granada, Castellon dhe Tarragona, ku moti pritet të sjellë reshje dhe stuhi të forta.
