Autoriteti Rrugor Shqiptar përmes një njoftimi në faqen zyrtare ka njoftuar mbi gjendjen e rrugëve në vend. Ditët e fundit reshjet e shiut dhe dëbora kanë krijuar problematika në disa akse rrugore të vendit. ARRSH u ka bërë thirrje qytetarëve që të kenë kujdes në qarkullimin me makinë.
Në njoftim Autoriteti Rrugor bën thirrje që të vendosen gomat e dimrit e të zinxhirëve, si dhe ulet shpejtësia.
“Gjatë orëve të natës ka pasur reshje shiu me intensitet, të cilat kanë shkaktuar rënie gurësh e inertesh në: Skuraj-Burrel, Elbasan-Qafë-Thanë, Vaudejes-Pukë-Kukës, Bulqize-Urë e Cerenecit, Berat-Çorovodë, rrëshqitje dheu në Klos-Qafë Buall, ku janë marrë masat e nevojshme menjëherë nga grupet e punës të mirëmbajtjes për pastimin e akseve Qarkullimi vijon pa probleme në të gjitha akset nacionale”, njofton ARSH.
