Tirana vijon të jetë një vatër e nxehtë infektimi, pasi deri tani numëron 81 raste aktive, duke e renditur e para për numrin e të infektuarve në Shqipëri.
Në këto kushte ajo vijon të mbetet zonë e kuqe dhe hapja e saj do varet nga bilanci që do regjistrohet në ditët në vijim.
Mbrëmjen e sotme i ftuar në “Opinion”, kryeministri Rama u shpreh se Tirana sipas gjasave, do të jetë e fundit që do ‘të çlirohet’ sepse situata nuk është premtuese.
Sipas tij, orari i kufizuar deri në orën 17:30 ka një logjikë, që mos të krijojë tendencën e daljes dhe shoqërizimit.
Më tej, kreu i qeverisë paralajmëroi se në rast se nuk respektohen masat, nuk duhet të çuditemi që Tirana pas një jave të jetë një zonë e mbyllur totalisht.
Rama shtoi se lëvizja do vijojë me të njëjtat rregulla, duke lejuar qarkullimin e automjeteve vetëm brenda zonave të gjelbërta dhe jo nga zonat e kuqe tek të gjelbërta dhe anasjelltas.
“Rrezik sot është i madh sepse po hapemi, ne e kemi hapur vendin në një masë të madhe. Kemi disa zona që kanë regjim të kufizuar. Jam shume i paduruar të shikoj numrat sot,nesër, pasnesër. Tirana do të mbetet zona e kuqe përsëri për shkak nuk japin ende indikacionin që Tirana të jetë zona e gjelbër. Por, brenda kësaj zone të kuqe lehtësimi është i madh. Të shikojmë analizat sot dhe në vijim dhe do të jetë e fundit që do të çlirohet. Në datë 18 do të hapen baret në ambientet e jashtme. Orari do të mbetet po ai që është dhe për javën e ardhshme. Hapja e lokaleve, përbën një kërcënim më vete. Mos u çudisni që pas një jave Tirana nga zona e kuqe të kthehet në zonë e mbyllur fare. Nëse numrat vijojnë të flasin kështu, nuk ka shans që Tirana të kaloj në zonë të gjelbër. Në shumë zona të tjera nuk kemi shfaqje shqetësuese.”
https://www.facebook.com/edirama.al/videos/1371344326586791/
