Presidenti Ili Meta vijon me sulmet ndaj ministres së Drejtësisë Etilda Gjonaj, njëkohësisht edhe kushëria e tij.
Më herët ditën e sotme, Gjonaj ka dalë në një deklaratë për mediat ku ka folur më gjerë rreth padisë së presidentit.
Gjonaj tha se nuk ka qëllim të komentojë fjalët e padenja që janë vënë në drejtim të saj përmes presidentit apo zëdhënësit të tij, por për të dhënë argumenta mbi gjitha pretendimet e Metës.
Pas kësaj deklarate regoi edhe sekretari i Përgjithshëm i Partisë Demokratike, Gazment Bardhi me anë të një statusi në “Facebook” shkruan se Gjonaj duhet të gjejë një avokat, në vend që të mashtrojë qytetarët, pasi sipas tij, edhe nëse vetë Edi Rama do ta drejtojë mbledhjen SPAK, ajo është e pambrojtshme.
Dhe menjëherë pas Bardhit, erdhi edhe reagimi i zëdhënësit të Presidencës, Tedi Bushi, i cili me anë të një statusi në Facebook ka publikuar nenet për shkeljet për të cilat Presidenti Meta e ka paditur Gjonajn në SPAK.
Sipas Blushit tashmë është koha për të dhënë llogari dhe se ministrja duhet të tregojë shokët.
Së fundmi, i ftuar në “Opinion”, presidenti u pyt rreth deklaratës së ministres, të cilën e akuzoi si falsifikatore që ka “rrëmbyer” kopetencat e Presidentit dhe KED-së për të “kapur Gjykatën Kushtetuese”.
Sa i përket çështjes së gjuhës denigruese, Meta tha se nuk është ai që e ka përdorur një gjuhë të tillë ndaj Gjonajt, por bashkëshortja e tij, kryetarja e LSI-së Monika Kryemadhi.
“Si mund të merrem unë me një falsifikatore. Gjuha ime ka qenë shumë korrekte, ajo më ngatërron mua me gjuhën e Monikës, atë ta zgjidhin bashkë. Zonja në fjalë të shkojë të tregojë shokët te SPAK-u. Nuk ka Shqipëria institucion më të rëndësishëm se Gjykata Kushtetuese. Një GJK me këto filma që bën Dvorani dhe ajo zonja atje….Presidenti i ka kapur në flagrancë. Presidenti ka paralajmëruar para dy vjetësh. I ftoj gjithë fëmijët e Shqipërisë, jo juve, që të shohim, se ky është krimi më i rëndë dhe më i thjeshtë për t’u hetuar. Është ministere e Drejtësisë, por ajo ka falsifikuar, ka rrëmbyer kopetencat e presidentit dhe të KED-së”, tha Meta
Nëse nuk e dini së për çfarë gjuhe denigruese e ka fjalën Meta mund të lexoni artikullin më poshtë:
“Halabakja e rrugës është kushërira e presidentit”! Monika Kryemadhi shpërthen ndaj ministres Gjonaj
