Në Ditën Ndërkombëtare të Gruas, në kryeqytet u mbajt një marshim ku, përveç vajzave dhe grave, morën pjesë edhe burra.
Tubimi nisi nga zona e ish-Bllokut dhe përfundoi përpara Kryeministrisë.
Të pranishmit mbanin pankarta me mesazhe të forta kundër dhunës ndaj grave, duke theksuar se këto krime nuk duhet të konsiderohen si “krime pasioni”, por si raste femicidi.
Disa nga mesazhet në pankarta lexonin: “Nuk është krim pasioni, është femicid”, “Mos ma prek lirinë” dhe “Kjo jetë është e jona, nuk e falim, nuk lejojmë të na ndalin”.
