Ajo konsiderohet nga sportdashësit dhe tifozët e futbollit si ndeshja “më e madhe në planet”, dhe pikërisht përplasja “Barcelona”- “Real Madridi”, do të zhvillohet sot.
Derbi i quajtur “El Classico”, do të luhet sot nga ora 16:00 në stadiumin ikonik “Camp Nou”. Skuadra e “Real Madridit-it” pritet që të zbresë sot në fushë me shumë mungesa.
Eden Hazardi, Odeegardi, Sergio Ramosi, Carvajali dhe Odriozola, nuk do të jenë gati për ndeshje.
Kurse te katalonasit, mungesa të sigurta janë: Ter Stegeni dhe Umtiti. Kurse Jordi Alba është me dyshime.
Katalonasit për momentin gëzojnë formë më të mirë, kurse “Real Madridi” në dy ndeshjet e fundit ka pësuar humbje, duke treguar luhatje.
Klasikja e fundit i takoi” Real Madridit” që e fitoi me rezultatin e pastër 2:0.
Takimi i ditës së shtunë është i 181-ti në historinë e ligës spanjolle dhe Barça do të bëj çmos për të përfituar nga momenti jo i mirë që po kalojnë kampionët në fuqi, për të barazuar bilancin e përgjithshëm të fitoreve, në 73-73 në ndeshjet ndërmjet tyre në “Primera Division”.
Është klasikja e parë për këtë sezon në kampionatin spanjoll, megjithatë të dy ekipet do të paraqiten pas humbjeve respektive që pësuan me Getafe-n dhe Cadiz-in javën e kaluar.
Për herë të fundit këto dy skuadra u paraqitën në klasiken e futbollit spanjoll me humbje në prillin e vitit 2003.
Asokohe Reali u mund 4-2 në “San Sebastian” nga “Sociedad-i”, ndërsa “Barça” u mposht me po të njëjtat shifra nga “Deportivo La Coruna”, brenda në “Camp Nou”, sidoqoftë dueli ndërmjet tyre më pas në “Santiago Bernabeu” përfundoi me rezultatin e barabartë 1-1.
Zinedine Zidane dhe Ronald Koeman, nuk janë përballur asnjëherë si lojtarë në fushë, megjithatë kjo do të jetë sfida e parë ndërmjet tyre edhe në stol. “El Clasico” më e heshtur në histori është programuar për t’u luajtur në orën 16:00 në stadiumin “Camp Nou”.
/GazetaReforma.com/
