Seanca e sotme parlamentare është “pushtuar” nga debatet në lidhje me çështjen e prishjes së Teatrit Kombëtar.
Deputetja demorkrate Rudina Hajdari, ka mbajtur fjalën e saj në foltore, ku ka ngritur tonet ndaj deputetëve socialistë.
Ajo u ka bërë thirrje deputetëve demorkratë që të mos e lënë Shqipërinë në duart e socialistëve.
Madje asnjë bashki në vendin tonë nuk duhet lënë në duart e socialistëve sipas Hajdarit.
Edhe në lidhje me reformën zgjedhore, Hajdari është shprehur se opozita nuk duhet ta braktisë atë tryezë.
“Nuk ka shqiptarë që sot nuk e di që ne po kërkojmë ndryshimin e sistemit zgjedhor.
Pse nuk e mbron njeri nga ju Teatrin. Nuk ju vjen keq se ju mban me litar kryetari i partisë. Këtu duhet ndryshim sistemi, se politika e ka marrë peng këtë vend.
I bëj thirrje opozitës jashtëparlamentare, mos e braktisni atë tryezë.
E latë Shqipërinë në duart e socialistëve kur i dorëzuat mandatet. I latë për herë të dytë kur latë bashkitë në duart e socialistëve.
Çdo shqiptar është me minus 3 mijë euro. Çdo shqiptar ka borxhe. Këtu duhet ndryshim sistemi sepse politika e ka marrë peng popullin shqiptar.
Mos e lini Shqipërinë në duart e socialistëve, mos i lini bashkitë në duart e socialistëve”, tha Hajdari.
