Një vrasje me armë zjarri tronditi paraditen e sotme zonën e Shënkollit në Laç, ku u vra biznesmeni Rakip Roli.
Mësohet se në tentativë për të shkuar sa më pranë të atit, i cili ishte ekzekutuar, njëri prej djemve të biznesmenit Rakip Roli është përplasur me makinë.
Mjeti i djalit të viktimës është përplasur me një shtyllë, ndërkohë që ende nuk dihet situata e tij shëndetësore.
Roli u qëllua me breshëri plumbash teksa ishte duke lëvizur me mjetin e tij tip audi, në afërsi të biznesit të tij, të mjeteve të rënda të transportit.
Kujtojmë se biznesmeni Rakip Roli u ekzekutua nga dy persona që kanë qenë duke lëvizur në këmbë. Mësohet se autorët i kanë dalë përpara automjetit që drejtohej nga viktima, dhe kanë qëlluar në drejtim të tij me breshëri plumbash. Roli ka humbur kontrollin e automjetit, duke u përfshirë në një aksident. Ai ka përplasur një automjet tjetër dhe më pas ka përfunduar në një kanal pranë zonës ku ka ndodhur ekzekutimi. Mjeti i tij ka ecur dhe për disa metra pas breshërisë së plumbave, dhe ka përplasur dy mjete të tjera. Viktima ka ndërruar identitetin e tij, pasi më parë ka pasur emrin Rakip Roli, dhe ka qenë i përfshirë në një ngjarje kriminale të ndodhur 10 vite më parë. Policia po punon për kapjen e autorëve të vrasjes.
