Detaje të reja kanë dalë në dritë në lidhje me operacionin e zhvilluar nga policia shqptare dhe ajo britanike për rrëmbimin e një personi në Britani. Denoncimi u bë nga vëllai i personit të marrë peng, i cili u paraqit pranë autoriteteve shqiptare dhe kalëzoi se ka marrë një kërcënim për pagesën e një shume prej 400 mijë paund ose pengmarrësit do ti vrisnin vëllain i cili ndodhej në Britani. Menjëherë pas kallëzimit policia shqiptare bashkëpunoi me atë në Britaninë e Madhe dhe në fshehtësi të plotë u kërkua ndihmë për rastin. Një skuadër prej 8 hetuesish Britanikë zbuluan se pengu mbahej në një ambientet në Londrën Lindore. Ai quhej Nertil Buzi dhe në Shqipëri nuk kishte asnjë rekord kriminal, por duket se në Angli ishte përshirë në aktivitetin kriminal të trafikut të drogës.
Sipas TCH, se personat që akuzohen për pengmarrjen e tij, janë:
Nekid Arapi 26 vjeç banues ne Atterbury Road, Haringey, akuzohet për rrëmbim person, burgosje të rreme, posedim me qëllim shitje lëndë narkotike kanabis dhe kërcënim për të vrarë.
Xhon Guveli 28 vjeç, akuzohet për rrëmbim person, burgosje të rreme.
Fation Arapi 27 vjeç, banues ne Neë Road, Peterborough, akuzohet për rrëmbim person, burgosje te rreme.
Armando Brahashaj 26 vjeç banues në Aylestone Avenue, Brent, Londër, akuzohet për rrëmbim person, burgosje te rreme.
Eduart Cepele 30 vjeç, banues në Barrington Street, Mancester, akuzohet për rrëmbim person, burgosje te rreme.
Emanulea Arapi 28 vjeçe, banuese në Barrington Street, Mancester akuzohet për burgosje të rreme.
