Mbrëmjen e kaluar në “Allianz Stadium” në Itali u luajt ndeshja Juventus-Barcelona, ku katalanasit treguan epërsi me dy gola të realizuar në 90 minuta ndeshje.
Katalanasit arritën të gjejnë golin e parë pas disa tentativa rradhazi në minutën e14′ me anë të Ousmanne Dembele, që gjuajti nga jashtë zone, ndërsa topi i devijuar nga këmbët e Federico Chiesës, përfundoi në trekëndëshin e portës së Szczesny-t.
Por edhe bardhezinjtë e Pirlos provuan të reagojnë dhe arritën të shënojnë tre herë me anë të sulmuesit spanjoll Alvaro Morata, dy herë në pjesën e parë dhe një herë në të dytën, por në të tre rastet golat u anuluan nga VAR për pozicione jashtë loje.
Mungesa e Ronaldos në këtë ndeshje kaq të rëndësishme pë juventinët u vu re pasi lojtari turk Demiral mori karton të kuq, ndërsa lojtarë si Chiesa, Dybala e Kulusevski treguan se nuk janë ende në gjendje të udhëheqin skuadrën në nivele të tilla.
