Mbrëmjen e sotme kryeministri Edi Rama ka shpërndarë në Facebook vargjet e një poezie në vjetër që sipas tij i përshtatet kësaj situate.
Rama iu drejtohet qytetarëve pikërisht me këto vargje, duke ju kujtuar se “armiku” kryesor i përhapjes së koronavirusit janë vetë ata, nëse nuk respektojnë masat.
“Pak humor, po jo dhe aq! Kjo punë vajti tamam kështu, luftë për të shmangur një tragjedi dhe kur tragjedia nis e shmanget, fillon komedia e fajësimit të njëri-tjetrit! E natyrisht çdo ditë e më mirë larg tragjedisë, çdo ditë e më shumë ankesa e kërkesa, ju për mua e unë për ju! Do kalojë edhe kjo, qeshni pak me mua duke lexuar këtë meme-vjershë, që sapo më erdhi,”-shkruan Rama.
POEZIA E SHPËRNDARË:
Mora pushkën dola malit, të luftoja për atdhe
Ku ta dija unë i varfri, se armiku ishim ne
Mora pushkën, dola malit, të luftojë për liri
Ku ta dija unë i shkreti, se armiku ishe ti
Mora pushkën dola malit, të luftojë në furtunë
Ku ta dija unë i ngrati, se armiku isha unë
https://www.facebook.com/138734771522/posts/10157642788026523/
Deri më tani në Shqipëri nga koronavirusi janë infektuar 475 persona dhe janë shënuar 24 viktima, ndërsa janë shëruar 248 të tjerë.
