Një moment dramatik ka ndodhur mesditën e sotme gjatë protestës së opozitës përpara kryeministrisë.
Një prej portestuesëve që ishte ngjitur mbi skelën e strehës në hyrjen e kryeministrisë, ka humbur ndjenjat dhe ka mbetur i shtrirë mbi strehë i vetëm për disa minuta.
Për t’i ardhur në ndihmë, disa protestues të tjerë janë ngjitur gjithashtu dhe i kanë bërë atij masazh kardiak.
Turma përpara godinës ka nisur të tensionohet ndërkohë që dyshohej se protestuesi mund të kishte ndërruar jetë, por pas masazhit kardiak, protestuesit e tjerë kanë bërë të ditur se gjithçka ishte në rregull dhe se protestuesi thjesht kishte humbur ndjenjat.
