Mbrëmjen e djeshme një jaht turistik prej 33 metrash me tre persona në bord ka lëshuar sinjalin S.O.S., për operacion shpëtimi në detin Adriatik.
Ekuipazhi i një jahti luksoz në afërsi të Divjakës është shpëtuar nga Kapiteneria e Durrësit. Bëhet e ditur se rreth 20 milje larg Divjakës, jahti ka dhënë sinjal për ndihmë, ndërsa më pas kanë njoftuar se kanë probleme me motorin e Jahtit.
Pas kësaj u realizua me sukses një operacion shpëtimi, ku personeli bashkë me jahtin u nxorën në breg.
Njoftimi:
Njoftim i Drejtorisë së Përgjithshme Detare !
Në orën 20.20 Kapiteneria e Portit Durres merr një thirrje nga jahti Dartista 07 që ndodhet rreth 20 milje larg Divjakës travers se kërkon ndihmë pasi nuk i punon motorri.Menjëherë Kapiteneria e Portit Durrës Referuar Kodi Detar. Neni 91 Pika 2 qe thotë se: Kapiteni i portit mund të nxjerrë një urdhër për një ose më shumë mjete lundruese për të dhënë shërbime shpëtimi për mjetet lundruese ose për personat në rrezik mbytjeje
Kapiteneria organizon operacionin e shpëtimit dhe njofton anijet që ndodhen më afër jahtit per t’i dhënë ndihmën e shpejtë. Për pak minuta arrihet kontakti me Kapitenin e Spirit of Chenai” që po vinte për Durrës e cila i shkon në ndihmë jahtit dhe e lidh jahtin Dartista 07 dhe po e rimorkion drejt portit Durrës. Një falenderim për Kapitenerine e Portit Durrës dhe kapitenin e anijes Spirit of Chena kroatin Miletic Srdan.
I gjithë operacioni u realizua në kohë rekord duke shpëtuar jahtin dhe personelin e jahtit.
