Mesditën e sotme, në Fier treni ka dalë nga shinat duke krijuar panik te pasagjerët. Ngjarja ndodhi në afërsi të urës “Vija e Ngjalës” duke dëmtuar disa vagona.
Mësohet se treni po vinte nga Durrësi në Fier dhe nuk ka të lënduar.
Dalja nga shinat është shoqëruar me një zhurmë të frikshme që ka krijuar shumë panik tek pasagjerët dhe i ka bërë ata të largohen nga aty të trembur.
Sipas faturinove, shkak i kësaj ngjarjeje ishin disa traversa të cilat janë thyer teksa kalonte treni dhe thyerja e tyre ka ndodhur për shkak të amortizimit nga koha e gjatë në punë.
(balkanweb)
