Përfaqësuesja e Lartë e Bashkimit Europian, Federica Mogherini ka përsëritur qëndrimin e BE-së rreth taksës së vendosur nga Kosova ndaj mallrave që importohen nga Serbia.
Ajo këmbënguli në krijimin e një klime që kontribuon në fqinjësinë e mirë si dhe kërkoi që të respektohen marrëveshjet që dy shtetet kanë arritur në Bruksel.
Sipas saj, një marrëveshje e paqes do të krijonte edhe një klimë të fqinjësisë së mirë në Ballkan.
“Duhet të krijohet një klimë që i kontribuon fqinjësisë së mirë, ku marrëveshjet e arritura në të kaluarën duhet të respektohen dhe implementohen. Veprimet dhe deklaratat që nuk janë në pajtim me interesin e përgjithshëm dhe objektivat strategjikë për rajonin duhet të shmangen.”- ka deklaruar Mogherini.
