Mjeku Luçiano Bardhi ishte i ftuar në emisionin “Koha për t’u zgjuar” në News24 për të diskutuar mbi ndikimin e virozave, të cilat janë kthyer në një problem të madh, sidomos për fëmijët.
Ai theksoi se një faktor kyç në përgatitjen e trupit për të luftuar virozat është ushqimi. Sipas tij, sistemi imunitar është shumë i lidhur me sistemin tretës dhe çdo problem me zorrët mund të çojë në grumbullimin e toksinave, duke kontribuar në zhvillimin e virozave.
Mjeku theksoi rëndësinë e një diete të shëndetshme dhe të natyrshme, duke shmangur ushqimet e konservuara që nuk përmbajnë elementët e nevojshëm, si elektrone dhe protone oksigjeni, të cilat ndihmojnë në mbajtjen e shëndetit të qelizave.
Ai e shpjegoi këtë fenomen duke thënë se fëmijët që konsumojnë ushqime të konservuara mund të kenë një sistem tretës që ngjan me atë të një 60-vjeçari.
Për të luftuar virozat, mjeku rekomandoi një sërë ushqimesh dhe bimësh natyralë, duke përfshirë:
• Lëngun e kockave
• Pekmezin e dëllinjës
• Turmerikun me mjaltë dhe pak boronicë të shtypur
• Xhinxherin me mjaltë
• Qepët të vendosura në shputat e këmbëve për të ulur temperaturën
• Qumështin e bletës
• Selinon dhe trumëzin
• Lëngun e zogjve të vegjël të pulës, i cili përmban nivele të larta të vitaminës B dhe kolagjenit
Ky kombinim i ushqimeve dhe bimëve është i rëndësishëm për mbështetje të sistemit imunitar dhe për të luftuar infeksionet dhe virozat.
