Mjekja infeksioniste e spitalit Covid-2 “Shefqet Ndroqi”, Alma Cani, ka bërë një apel për qytetarët duke iu referuar edhe rritjes drastike të numrit të rasteve të reja me Covid.
Mjekja i ka bërë thirrje qytetarëve që të ruajnë distancimin social dhe të respektojnë masat, pasi spitalet po tejmbushen frikshëm.
“Cdo ditë shikojmë raste që po shtohen. Cdo ditë shikojmë shpërndarje të virusit. Cdo ditë po shikojmë numrin e shtuar të pacientëve në spital. Kërkojmë ndihmën tuaj, zbatoni rregullat, bëni kujdes, distancim social e për më tepër maskë. Nuk duam t’iu shikojmë në spital, e për më tepër në terapi intensive. Ndaj, mbani maskën, mbroni jetën tonë, tuaj e të të gjithëve ne”, është shprehur mjekja Alma Cani./GazetaReforma.com/
