Ditën e djeshme në vendin tonë u regjistrua viktima e parë nga koronavirusi.
Ajo ishte një e moshuar 73- vjeçare në Durrës, e cila ishte kthyer nga Italia më 1 mars, por nuk ia kishte komunikuar këtë fakt stafit mjekësor.
Ministria e Shëndetësisë bëri me dije se nuk ishte prekur asnjë person nga stafi mjekësor, që i ka shërbyer të moshuar.
“Dosja.al” mëson se të ekspozuar kanë qenë edhe personeli që shërbente ushqimin dhe sanitarët.
Ata janë deklaruar negativë, por u është thënë të mos paraqiten në punë.
Në mesin e të karantinuarve, është edhe bashkëshorti i një deputeteje socialiste.
Ai ka qenë në kontakt me të moshuar, në kohën kur diagnoza nuk ishte ende e përcaktuar.
Në pritje të një përgjigjë ng ISHP, stafi është karantinuar plotësisht, ndërsa so të bëjnë edhe një analizë të dytë.
Ka dyshime se në kontakt me stafin e spitalit ka rënë edhe deputetja socialiste, e cila është takuar me kolegë nëpër komisione.
