Lëndët me përmbajtje amianti dhe asbesti, gjatë shekullit të kaluar ishin më efikaset në ndërtim.
Mirëpo në ditën e sotme, këto lëndë janë kërcënimi më i madh për popullatën.
Fibrat e asbestit, janë elementë kancerogjenë dhe shumë kontaminues, shkruan “Balkanweb”.
Gjetjet u prezantuarn në kongresin e 11-të të pneumologjisë, nga profesori Lutfi Alla.
Në Shqipëri gjurmët e asbestit i gjen kudo, sidomos në objektet e para viteve 90’, të cilat janë të mbuluara me eternite.
Në gjendjen stabël asbesti nuk është i rrezikshëm, por në momentin që gërvishtet apo thyhet, fibrat e tij çlirohen në ajër, duke sulmuar aparatin e frymëmarrjes.
Fibrat e asbestit qëndrojnë të fjetura në sistemin e frymëmarrjes, derisa një ditë aktivizohen dhe prodhojnë sëmundje të rënda, duke dëmtuar qelizat e mushkrive.
Bazuar në legjislacionin në fuqi, që prej vitit 1994, në Shqipëri është i ndaluar përdorimi i asbestit si material termoizolues.
Mirëpo një studim i vitit 2013 i një grupi mjekësh shqiptarë ka zbuluar se në Shqipëri vijojnë të futen material me përbërës amiant ose asbest, në formën e paneleve të tavaneve.
Mjekët e spitalit Universitar “Shefqet Ndroqi” në Tiranë, deklaruan se në harkun kohor të një viti , janë evidentuar 700 raste të reja me kancer në mushkri.
Disa ditë më parë mjekët e spitalit Universitar “Shefqet Ndroqi”, në Tiranë, deklaruan se janë rreth 700 raste të reja të diagnostikuara me kancer në mushkri në harkun kohor të një viti, shifër kjo, që sipas mjekëve, pëson rritje me 50 deri në 60 raste çdo vit.
