Nga qyteti i Fierit ku ndodhet në këto momente, Rama i ka cilësuar heronj mjekët e siptaleve COVID. Ai ka thënë se një ose disa ‘tire’ nuk mund të hedhin hdhin hije mbi punën e tyre. Sipas Ramës sistemi ndërtohet nga reforma, gjë që kërkon kohën e vet. Ndërkohë, për këtë proces, vendit tonë do i vijë në ndihmë Turqia që e ka kaluar një periudhë të tillë korrupsioni.
“Mjekët e Covid janeë heronj, kanë punë përtej atyre që ne mund të kuptojmë. Eshte e dhimbshme që një Tire ose disa Tire të hedhin hije mbi heroizmin e tyre. Sistemi ndërtohet nga reforma, reforma kërkon kohën e vet. Ne i japim sistemit një fuqi të re, marrim nga eksperienca e transferimit të dijes, njohurinë që na duhet që ta përhapim në të gjithë Shqipërinë. Për këtë eksperienca e Turqve do na ndihmojë se dhe ata e kanë kaluar këtë proces. Kush e njeh historine e transformimit të Turqisë, i përket një periudhe më të afër, e dini që përpara 15 vitesh ka pasur një situatë të vështirë, ka pasur Tire lart e poshtë, probleme të mëdha me transparencën dhe ja ku është sot. Ka ndjekur hapat që po ndjekim ne.”- ka thënë Rama.
Pas 8 vitesh ende jemi në pritje të shohim rezultatet e reformave që ka ndërmarrë qeveria e Ramës. E vetmja gjë që kemi parë deri tani është shtimi i korrupsionit dhe burokracisë në shëndetësi.
