Prej mbrëmjes së djeshme, segmenti i rrugës së Arbrit është përfshirë nga mjegulla e dendur.
Raportohet se nga zona e urës së Çerenecit në Maqellarë është përfshirë nga mjegulla, duke krijuar vështirësi në qarkullimin e automjeteve.
Mësohet se drejtuesit e mjeteve janë përballur me fushëpamje të kufizuar. Policia Rrugore ka këshilluar të gjithë qytetarët që përdorin këtë aks që të qarkullojnë me kujdes pasi mund të bëhen burim aksidentesh.
Ndërkohë po ashtu edhe mjegulla e dendur ka përfshirë edhe në aksin Tepelenë – Gjirokastër – Kakavijë.
