Kyriakos Mitsotakis, nga Parlamenti gjatë debatit mbi projekt-ligjin për të zgjeruar zonën bregdetare në 12 milje në Detin Jon,tha se “Ne po dyfishojmë ujërat tona territoriale në Jon”. Kryeministri grek foli për zgjerimin me 12 milje në det nga Othonos në Tainaro “Ne rezervojmë të drejtën për të zgjeruar ujërat territoriale në Kretë dhe gjetkë”, deklaroi ai.
Kyriakos Mitsotakis bëri një referencë të veçantë për aleancat dhe bashkëpunimin e Greqisë me Izraelin, Egjiptin, Emiratet e Bashkuara Arabe dhe Arabinë Saudite, teksa sa i përket marrëdhënieve me Shqipërinë tha se çdo divergjencë ka marrë rrugën e institucioneve ndërkombëtare të drejtësisë.
“Pas dy hallkave paqësore me Italinë e Egjiptin, të njëjtën periudhë ministri i Jashtëm grek bashkëpunoi me homologun e tij shqiptar dhe tani çdo divergjencë (diferencim) me Tiranën ka marrë rrugën e institucioneve ndërkombëtare të drejtësisë. Madje, vetëm ditët e fundit kryeministri shqiptar deklaroi qartë dhe pa devijime se zgjerimi në 12 milje përbën një të drejtë të pamohueshme të sovranitetit të Greqisë, duke shtuar akoma një argument pro pozicionimit tonë se ujërat e Mesdheut mund të lidhin në vend që të të ndajnë popujt”, tha Mitsotakis
“Për herë të parë që nga aneksimi i Dodekanezit në 1947, territori grek është zgjeruar me 10%, jo nga shkëputja e territoreve ose në mënyrë të barabartë nga vendet e tjera. Me procedura të bazuara plotësisht në rregullat e së drejtës Ndërkombëtare. Sot në fillim të vitit 2021 ne hedhim hapin e dytë të madh thelbësor. Vendi ynë shtrin dominimin e tij në Detin Jon në 12 milje. Unë kisha njoftuar zgjerimin e ujërave tona territoriale që nga gushti. Një e drejtë plotësisht e përputhshme me të drejtën ndërkombëtare dhe vendin tonë mund të zgjerohet në zona të tjera dhe në Kretë dhe gjetkë, por në një kohë dhe mënyrë që ne do të zgjedhim,” tha ai. /Gazetareforma.com/
