Pas Kavajës, kryedemokrati Lulzim Basha u prit me brohoritje e entuzuazëm edhe në Lezhë.
Sërish Basha u prit me grupe të mëdha njerëzish, të cilat nuk janë të lejueshme në kohë pandemie.
Kjo vizitë e Bashës u zhvillua në kuadër të fushatës elektorale. Basha iu premtoi zgjidhje duke e cilësuar 25 Prillin zgjidhje e gjithë problemeve të shqiptarëve.
”E para që duhet të lagojmë është ai që për 8 vite nuk ju ka ndihmuar. Kur pushteti është në duart e e një njeriu, do të punojmë bashkë. Do iu çlirojmë nga taksat e larta. Lezha ka pasuri të jashtëzakonshme. Ka prosperitet të jashtëzakonshëm, prosperitet. Një nga zonat më të bukura të ballkanit. Kemi një plan për biznesin e vogël, për turizmin. Duhet vullnet, duhet vetëm një qeveri që mendon për njerëzit, jo për veten.”, tha Basha.
Basha takoi qytetarë e biznese në Lezhë teksa shoqërohej nga dhjetëra mbështetës e simpatizantë.
Lideri demokrat u bëri thirrje bizneseve mos dorëzohen, pasi kanë mbetur edhe 40 ditë dhe pas 25 prilli do të vijë ndryshimi.
Për të qytetarët duhet të bëhen bashkë, dhe më 25 prill të fitojë Lezha e Shqipëria.
”Mos u dorëzoni, edhe 40 ditë, do të sjellim një ndryshim për çdo familje. Ndryshim ekonomik për ju sipërmarrje, por dhe familjet. Të gjithë bashkë që të fitoj Lezha, Shqipëria, sipërmarrja.”, tha Basha.
