Pas dy ndeshjeve me Kombëtaren, kundër Ukrainës dhe Gjeorgjisë, Mario Mitaj është gati për të nisur aventurën e tij të re në nivel klubesh. Mbrojtësi i majtë kuqezi, pasi ka lënë Lokmotivën e Moskës, tashmë ka mbërritur në Yeddah, aty ku do firmosë me skuadrën e Al Ittihad. 21-vjeçari largohet nga klubi rus me formulën e huazimit, ndërsa arabët e Al Ittihad kanë të drejtën e blerjes përfundimtare të kartonit të mbrojtësit për shifrën e 5 milionë eurove.
Nga ky transferim, Mitaj do të përfitojë plot 3 milionë euro në sezon, ndërkohë që duhet theksuar se tashmë do të ketë shok skuadre emra si Benzema, Kante apo dhe Fabinjo, ndërsa do të luajë kundër Kristiano Ronaldos.
Përpara se te gjente marrëveshjen me klubin nga Arabia Saudite, Mitaj ishte përmendur si një përforcim i mundshëm edhe i shumë skuadrave me emër në Europë, mes të cilave binte në sy ajo e Juventusit, por bardhezinjtë italian duket se në fund janë tërhequr nga ideja për të afruar mbrojtësin shqiptar.
