Mbetet ende mister vrasja e ish-ushtarakut Altin Alikaj në Vlorë teksa hetimet janë përqëndruar në kompaninë celulare, ku 46-vjeçari kishte numrin e tij.
Mësohet se ata i kanë kthyer përgjigje familjarëve kur kanë tentuar të lidhen me fami46-vjeçarin, duke u thënë se celularin e kanë gjetur në rrugë. Pasi janë përgjigjur disa herë sikur ishte një person që kishte gjetur celularin, prindërit fillimisht nuk kanë menduar se djalit mund t’i kishte ndodhur diçka e keqe, dhe për këtë arsye ata nuk u kthyen për të kontrolluar në shtëpi.
Ndryshe nga shumë ngjarje të ngjashme, ku atentatet janë kryer të shpejta, në këtë rast, çdo gjë ka qenë e mirëorganizuar në shumë detaje, që nga vrasja pa zhurmë, ulja e dritave, helmimi i qenve dhe deri te përdorimi i celularit të viktimës.
Pista kryesore e hetimit që po ndjek policia është ajo e një konflikti në Kosovë, ku dhe i është mbajtur pasaporta në muajin dhjetor, duke bërë që ai të kthehej në mënyrë të fshehtë në Shqipëri. Pikërisht atje mendohet se ka ndodhur një problem që mund të jetë i lidhur me lëndët narkotike.
Kujtojmë se 46 vjeçari para disa kohësh ka qenë në Kosovë dhe sipas burimeve atij i është mbajtur pasaporta në kufi. Në Shqipëri ai ka ardhur ilegalisht. Pas vrasjes autori dyshohet se i ka marrë telefonin pasi nuk gjendet.
Shtohen dyshimet se 46- vjeçari i cili ishte dhe përdorues droge është rrëmbyer dhe vrarë disa ditë më parë. Nga hetimet e deritanshme dyshohet se Alikaj është vrarë me armë zjarri, por ende rrethanat e vdekjes së tij janë shumë të paqarta.
Sipas tyre, autori apo autorët kanë helmuar qentë e komshinjve, në mënyrë që të mos lehnin për të sinjalizuar futjen e tyre në banesë dhe po ashtu kanë ulur automatin në shtëpinë e viktimës. Deri më tani janë shoqëruar tre persona nga policia e Vlorës që e njohin 46- vjeçarin
