Një ngjarje e rëndë ka ndodhur në fshatin Labovë të Gjirokastrës. Një person i identifikuar si Andrea Xhavarra 60 vjeç ka humbur jetën ndërkohë që akoma nuk dihen detajet se si ka ndodhur vrasja e tij.
Dyshohet se viktima është qëlluar me sende të forta dhe prerëse për shkaqe pronësie.Ai është nisur me urgjencë në spital, por nuk ka arritur të mbërrijë i gjallë.
Policia ka mbërritur në vendin e krimit për zbulimin e rrethanave të ngjarjes dhe ka arritur të kapë autorin Janaq Koleta, 77 vjeç. Në fillim 77 vjeçari kishte tentuar të largohej, por policia ka arritur ta vërë në pranga në kohë.
Koleta ka deklaruar në polici se sherri mes tij dhe viktimës kishte ndodhur për kullotën. Ai ka thënë se nuk ka dashur ta vrasë bashkëfshatarin dhe se e ka goditur me gur në sherr e sipër.
Por 60 vjeçari Andrea Xhevarra ka humbur ndjenjat e më pas ka ndërruar jetë.
Policia ka kryer të gjitha veprimet proceduriale në vendin e ngjarjes dhe ka transportuar trupin e viktimës në morg.
