Ditët e fundit shumë figura të njohura kanë njoftuar largimin nga Partia Socialiste dhe moskandidimin e tyre në zgjedhejt e 25 prillit. E radhës është edhe deputetja Eglantina Gjermeni. Një gjë të tillë e ka njoftuar vetë kryeministri Edi Rama. Në një postim ai shpreh mirënjohje në “këtë Ditë të Gruas” për Vasilika Hysin e Eglantina Gjermenin që sipas tij sollën vlera e kontribute të reja ne PS për 12 vjet rresht.
“Mirënjohje gjithmonë në këtë Ditë të Gruas, dy bashkëpunëtoreve simbol të promovimit të legjislacionit mbi barazinë gjinore, të drejtat e grave, fëmijëve, minoriteteve dhe kundër dhunës ndaj gruas; dy aktivisteve shembullore të Shoqërisë Civile, që sollën në PS vlera e kontribute të reja dhe për 12 vjet rresht e përfaqësuan PS me dinjitet e profesionalizëm, në Kuvend e në Qeveri, Vasilika Hysi dhe Eglantina Gjermeni”, thuhet në mesazhin e Kryeministrisë.
Eglantina Gjermeni ka mbajtur postin e ministers së Zhvillimit Urban dhe Turizmit nga shtatori i vitit 2013 deri në shkurt të 2015-ës. Më herët kanë njoftuar se nuk do të kandidojnë në zgjedhjet e radhës parlamentare figura të njohura të Partisë Socialiste si Arben Malaj, Vasilika Hysi e Besnik Baraj. Ditën e djeshme njoftoi një vendin të tillë edh ish-deputeti Alfred Peza.
