Kreu i Unionit të Gazetarëve, Aleksandër Çipa ka kundërshtuar ashpër ligjin “Anti-shpifje”.
Nga protesta e gazetarëve përpara parlamentit, Çipa tha se ligji është konceptuar në mënyrë të gabuar, pasi AMA do të funksionojë si agjenci censure.
“Mënyra si është konceptuar ky ligj është e gabuar, sepse vetë mënyra si do funksionojë AMA nuk ka gjë tjetër veçse si e një agjencie censure.
Penalitetet edhe në masën financiare janë drastike, të papërballueshme.
Përsa i përket hapave të radhës nëse paketa kalon, Çipa tha se do t’i drejtohen presidentit, ndërsa janë në diskutime edhe me ndërkombëtarët.
“Ne do t’i konsumojmë të gjitha mundësitë tona. Do t’i drejtohemi Presidentit për të mos e dekretuar. Jemi në diskutime me ndërkombëtarët, kemi reagime të shumta. Do të bashkohet solidariteti i organizatave më të rëndësishme në botë, një rrjet i Helsinkit është bërë në unitet me ne për zhbërjen e disa çrregullimeve, që vihen re në draftin që pritet të kalojë sot”, tha kreu i UGSH.
