Kreu i grupit parlamentar të demokratëve i ka dëërguar një kërkesë kryeparlamentares Lindita Nikolla që në seancën e sotme të Kuvendit ku do të miratohen ndryshimet në qeveri të ketë debat. Bardhi kërkon që deputetët të diskutojnë dhe të kenë në dispozicion nga 10 minuta për të diskutuar mbi shkarkimet dhe emërimet e reja në qeveri. Po ashtu ai kërkon mbledhjen e Konferencës së Kryetarëve.
Seanca e Kuvendit është parashikuar që të nisë në orën 14:00, ndërsa ministrat e rinj pasi të dekretohen, do të betohen te presidenti Bajram Begaj.
Kjo do të ishte hera e parë që do të kishte debat në seanca ku miratohen ndryshimet në qeveri.
