Deputetja e zgjedhur e Partisë Demokratike, Albana Vokshi ka reaguar për vendimin e Këshilllit Kombëtar të Territorit për të dhënë lejen e ndërtimit për Teatrin e ri Kombëtar.
Vokshi shkruan në një status në Facebook se me këtë rast po po shembet shteti is ë drejtës dhe po ushtrohet presion mbi vendimmarrjen e Gjykatës Kushtetuese.
Ajo ka konfirmuar mbështetjen e PD-së për këtë kauzë dhe ka thënë se do të jenë në krah të Aleancës për Mbrojtjen e Teatrit deri në fund të betejës..
Reagimi i plotë:
Në fillim thanë se teatri duhej bërë me PPP dhe kulla sepse nuk kishin para. Mashtruan!
Sot thonë se teatri do bëhet duke shtuar borxhin publik, pa kulla. Mashtrojnë!
Pasi shembën barbarisht dhe në shkelje totale të çdo norme e ligji godinën historike, sot po shembin shtetin e së drejtës dhe po ushtrojnë presion mbi vendimmarrjen e Gjykatës Kushtetuese, duke vendosur fillimin e punimeve për të ashtuquajturin Teatri i Ri.
Veliaj thotë 0 Kulla, por nxitimi për të filluar punimet zbulon qartë që interesi i regjimit Rama-Doshi nuk është arti, as kuktura, as Teatri, por vetëm fitimet marramendëse nga projekti korruptiv i kullave që do të shërbejnë si lavatriçe e parave të pista të krimit e korrupsionit.
Vendimi i sotëm është një tjetër akt i arbitraritetit, dhunimit të ligjit, gjykatave dhe interesit publik, që dëshmon se masakra zgjedhore e 25 Prillit nuk zgjidhi asgjë pë shqiptarët.
PD do të jetë deri në fund në krah të betejës së Aleancës për Teatrin dhe qytetarëve shqiptarë për rikthimin e legjitimitetit dhe demokracisë në vend
