Mëngjesin e djeshëm vendi ynë u zgjua me dy të infektuar, teksa në mesditën e sotme ka shkuar në 10 numri i të prekurve.
Paniku është shtuar tek të gjithë qytetarët, të cilët janë drejtuar drejt farmacive dhe marketeve me idenë se do izolohen në shtëpi.
Një ndër pyetjet me të shpeshta të drejtuara është nëse ka persona të tjerë të infektuar dhe sa mund të shkojë kjo shifër.
E ftuar në ‘Real Story’, ministrja e Shëndetësisë Ogerta Manastirliu ka thënë se në Shqipëri mund të kemi disa qindra raste me të infektuar nga Coronavirusi, teksa theksoi se kjo është e bazuar në algoritme, të cilat janë bërë edhe në shtetet e tjera.
“Ne presim që mund të shkojmë disa qindra raste. Por nuk ka një përllogaritje, përgjatë një kohe të caktuar. Ka një kohe që ndodh, ka disa skenarë. Ky algoritëm, kjo problematikë është. Janë realizuar në bazë të algoritmeve që i kanë kryer shtete e tjera. Ne jemi në skenarin 1, 2, 3, 4. Kemi identifikuar pacientin zero, kemi nisur me investigimin epidemiologjik. Më pas vijojmë me evidentimin e rasteve të reja. ka një probabilitet që mund të jenë rëndë, Kjo varet nga patologjitë. Është 3 % i 10 ose 15 atyre që kanë simptoma të rënda. 3 % e këtyre rasteve shkojnë në frymëmarrje artificiale. Zonja në fjalë është në frymëmarrje të drejtuar, është e intubuar.”, tha Manastirliu.
Ndërkohë, ministrja bëri me dije se në Spitalin e Durrësit, përveç 74-vjeçares është edhe 28-vjeçari që njihet si pacienti zero, baba i tij dhe 31-vjeçari që kishte qëndruar një ditë në Milano.
“Nuk janë në karantinë, janë në spitalin infektiv. Karantina është një sistem që është sistem karantinë, që ofron; vetëkarantinimin dhe karantinat. Karantina përdoret për njerëz të shëndetshëm që mund të shpalosin në 2 javë koronavirusin. Nën mbikëqyrjen e mjekëve janë 3 pacientë. Pacienti zero dhe babai i tij dhe një qytetar që është kthyer nga Milano, ka bërë një vizitë 1 ditore. S’kanë probleme respiratore. Kemi një 74-vjeçare të izoluar në spitalin e Durrësit, që është vendosur në sistem respiratore. Është një histori udhëtimi. Ka mbivendosje të sëmundjeve. Aktualisht një ekip ekspertësh është duke studiuar nëse ajo do të mbahet atje në izolim, apo do të dërgohet në Tiranë përmes një autoambulancë. Konvaleshenca është konvaleshencë, njeriu i shëndetshëm pret aty; lahet, ushqehet dhe pret 14 ditë. Kemi bërë një simulim të ngjashëm se sa të përgatitur jemi ne, dhe na është sjellë një certifikim nga OBSH ku thotë se Shqipëria ka kapacitetet për t’u marrë me virusin.”
Në rang global, COVID-19 ka trokitur në 115 shtete duke shënuar 4,346 viktima dhe 118,638 të infektuar deri në këto momente.
Në Itali , janë regjistruar 631viktima dhe 10,149 persona janë infektuar nga Coronavirusi.
Ju rikujtojmë se nëse keni histori udhëtimi në Itali dhe shfaqni simptoma, të tilla si ethe, temperaturë apo kollë e thatë, telefonin në numrin 127 të vendosur në dispozicion nga Ministria e Shëndetësisë.
