Ditën e sotme një vendim i rëndësishëm u njoftua nga Ministrja e Arsimit, Evis Kushi, e cila tha se abetarja do të jetë e unifikuar për nxënësit në të gjitha shkollat në vend.
Kushi tha se kjo vjen kuadër të nismës një gjuhë një abetare, teksa sqaroi se do të hapet një garë për tekstin e unifikuar dhe se po punohet që ky projekt të konkretizohet me nisjen e vitit tjetër shkollor 2022-2023.
Ajo shtoi se kjo gjë do krijojë lehtësira në mënyrë që ministria të ketë një qasje dhe dhe metodologji të njëjtë kud.
Sipas Kushit në fillim të vitit të ri shkollor 2022-2023 të gjithë fëmijët do të kenë të njëjtën abetare.
“Morëm një vendim të rëndësishëm që lidhet me përjashtimin nga procedura e përzgjedhjes së mësuesve në bazë shkolle të tekstit të abetares. Në arsimin parauniversitar, për çdo lëndë kemi tekste alternative dhe mësuesit në çdo shkollë mblidhen dhe zgjedhin një nga tekstet e miratuara. Kemi vendos të përjashtohet kjo procedurë teksti i abetares. Kjo na ndihmon të kemi një qasje dhe metodologji të njëjtë kudo. Ne do punojmë për këtë projekt, një gjuhë një abetare dhe në fillim të vitit shkollor 2022-2023, të gjithë vogëlushët të kenë të njëjtën abetare”, tha ajo.
Vlen të përmendim se unifikimi i abetares është pritur gjatë nga të gjithë shqiptarët, por vendimi ka ardhur me vonesë.
