Gjatë 24 orëve të fundit janë shënuar 28 raste të reja me koronavirus, mes të cilëve edhe një fëmijë, duke e çuar në 361 numrin e personave të prekur në vendin tonë.
Dy qytetet me numrin më të lartë të të infektuarve janë Tirana me 174 raste dhe Shkodra me 38 raste.
Sipas Ministrisë së Shëndetësisë kjo ka ndodhur për shkak të mosrespektimit të distancimit social dhe masave të kontrollit të infeksionit që rekomandohet dhe kështu ministria u ka bërë thirrje dhe njëherë për të gjithë qytetarët që të shmangin vizitat tek të afërmit për çdo lloj arsyeje.
“Kjo rritje e numrit të rasteve në Shkodër dhe Tiranë tregon edhe njëherë mosrespektimin e distancimit social dhe masave të kontrollit të infeksionit që Ministria e Shëndetësisë vijon të rekomandojë çdo ditë ne komunikimet publike. Aktualisht po kryhet hetimi epidemiologjik në terren edhe me një ekip të Institutit të Shëndetit Publik. Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social. Është po kaq e rëndësishme që masat e kontrollit të infeksionit të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye për të parandaluar transmetimin e COVID-19”, deklaron MSH.
Shpërndarja gjeografike e rasteve pozitive, është si vijon:
– Tiranë 174 raste
– Durrës 36 raste
– Lushnje 5 raste
– Elbasan 10 raste
– Fier 25 raste
– Kavajë 8 raste
– Rrogozhinë 4 raste
– Korçë 16 raste
– Vlorë 5 raste
– Shkodër 38 raste
– Lezhë 14 raste
– Berat 1 rast
– Has 9 raste
– Krujë 5 raste
-Tropojë 4 raste
– Pukë 4 raste
– Mirditë 3 raste
