Nga të gjitha mostrat e dërguara në Gjermani, asnjë rast nuk ka rezultuar pozitiv në variantin Omicron të Covid-19. Këtë e ka deklaruar Ministri i Shëndetësisë së Kosovës Rifat Latifi.
“Do të ishte fatkeqësi e madhe nëse i lirojmë ne masat tërësisht dhe mendojmë se ne s’kemi Omicron këtu dhe s’kemi sëmundje të Covidit”, thotë Latifi.
“Nga mostrat e dërguara me 20 dhjetori ne nuk e kemi asnjë Omicron. Ky është lajm që unë e kam marrë sot pasdite”, theksoi Latifi për RTK’në.
Latifi foli edhe për menaxhimin e pandemisë në Kosovë.
“Unë mendoj se ministri Vitia pavarësisht në cilën qëveri ka qenë, Kurti 1 apo Kurti 2, Ministria e Shëndetësisë dhe Kosova kanë bërë më të mundshmën që kanë mund ta bjënë me mjetet që i kanë pasur afër vetës”, shtoi ai.
Kujtojmë se varianti Omicron i koronavirusit të ri (COVID-19), u njoftua se është zbuluar më 25 nëntor në jug të Afrikës, ndërsa u zbulua edhe në Belgjikë një ditë më vonë duke u regjistruar si rasti i parë në Evropë, rezultoi të ketë qenë i pranishëm në vend disa javë më parë, transmeton Anadolu Agency (AA).
Sipas gazetave të rajonit flaman në Belgjikë, duke cituar Agjencisë Flamane të Shëndëtësisë, në rajonin Flandrës Lindore para disa javësh një i ri i prekur me COVID-19 ka qenë me variantin Omicron.
Agjencia konfirmoi se pacienti është anëtar i ekipit të vaterpolos që ka marrë pjesë në një ndeshje në qytetin Brno të Çekisë në mesin e muajit nëntor të vitit 2021 dhe se është student i shkollës Melle.
Kështu mësohet se varianti në fjalë në Evropë ka mbërritur shumë më herët se sa mendohej.
Varianti Omicron, i cili u raportua se ishte zbuluar në Afrikën e Jugut dhe Botsvana më 25 nëntor, u njoftua se kishte arritur në Evropë pasi ishte zbuluar në Belgjikë të nesërmen.
