Ministri i Jashtëm i Ukrainës i ka kërkuar Dimitri Kuleba, gjatë një bisede telefonike me Sekretarin Amerikan të Shtetit, Antoni Blinken, ka kërkuar më shumë armë nga SHBA.
Lajmi është bërë i ditur nga vetë ministri Kuleba, i cili përmes një postimi në twitter ka zbardhur bisedën e tij me Blinken.
‘Pata një telefonatë me @SecBlinken për sanksione të mëtejshme ndaj Rusisë derisa ajo të ndalojë luftën e saj kundër Ukrainës dhe të tërheqë forcat e saj. Përpjekjet e koordinuara për të parandaluar shmangien e sanksioneve. Theksova: Ukraina ka nevojë për dërgesa shtesë të armëve, veçanërisht për Forcën tonë Ajrore, tani’, shkruan në postimin e tij Kuleba.
Ndërkohë që Kryetari i Senatit të SHBA për Marrëdhëniet me Jashtë, Bob Menendez i tha CNN të martën se SHBA po ofron një “tubacion ndihme në Ukrainë”, duke iu referuar një sërë sistemesh mbrojtëse vdekjeprurëse që po dërgohen në vend.
Ministri i Punëve të Jashtme të Ukrainës, Dmitri Kuleba Kuleba tha se ata do të mbrojnë veten dhe do të fitojnë.
Ai tha: “Presidenti rus, Vladimir Putin ka nisur një luftë në shkallë të gjerë kundër Ukrainës. Sulmet vazhdojnë në qytetet paqësore të Ukrainës. Ukraina do të mbrohet dhe do të fitojë. Bota mund dhe duhet ta ndalojë Putinin. Është koha për të vepruar.”
Nga ana tjetër, pasi Vladimir Putin njoftoi se kishin nisur një operacion special ushtarak në Donbas, që ndodhet në lindje të Ukrainës, shpërthime dëgjohen në qytete të ndryshme të vendit, përfshirë edhe kryeqytetin, Kiev.
Përveç Kievit, shpërthimet ndodhën njëri pas tjetrit në qytetet Kharkov, Kramatorsk, Mariupol, Mykolaiv dhe Odesa. Autoritetet shpjeguan se këto ishin sulmet me raketa.
Zhurmat e avionëve reaktivë luftarakë u dëgjuan edhe mbi qytetin e Kramatorsk në rajonin e Donbasit.
Nuk është dhënë asnjë informacion se çfarë është goditur apo nëse ka pasur viktima nga sulmet.
Nuk u bë asnjë deklaratë nëse ushtarët rusë kishin lëvizur përtej zonave separatiste.
