Ukraina po përjeton ditën e dytë të luftës dhe situata paraqitet alarmante. Ndërkohë ministri i jashtëm ukrainas e përforcon këtë fakt duke thënë se se sulmet ruse janë zgjeruar në kopshte të fëmijëve dhe jetimore, bën të ditur REL.
Ai i ka konsideruar këto sulme si krime lufte dhe shkelje të Statutit të Romës. “Bashkë me Zyrën e Prokurorit të Përgjithshëm, ne jemi duke mbledhur këtë dhe fakte të tjera, të cilat do t’i dërgojmë menjëherë në Hagë. Përgjegjësia është e pashmangshme
Tre janë frontet kryesore të sulmeve, pasi Rusia ka ardhur në Ukrainë nga veriu, nga Bjellorusia, nga lindja, nga provincat separatiste Donetsk dhe Luhansk, por edhe nga jugu. Ndërkohë forcat ukrainase janë gati për përballjen me trupat ruse, ndërsa janë rreshtuar në autostradën e rrugët e Kievit.
Theksojmë se tani mendohet se forcat ruse janë brenda qytetit, megjithëse vendndodhja dhe numri i tyre i saktë është i paqartë.
Përballjet u raportuan në Obolon, në periferi të qytetit, ndërsa rusët janë parë edhe në rrethet Vorzel, Bucha, Irpen. Ndërkohë Anton Herashchenko, një këshilltar i ministrit të brendshëm të Ukrainës tha se sot do të jetë “dita më e vështirë” e luftës.
Kujtojmë që residenti i Ukrainës beson se ai është aktualisht objektivi numër një i Rusisë. Ai thotë se nuk ka ndërmend të largohet nga Kievi ku ndodhet në qarqet qeveritare.
Ai gjithashtu konfirmoi raportet për sulme të shumta raketore ruse në Kiev në orën 4 të mëngjesit (lokal) këtë mëngjes, duke thënë se sulmet kishin në shënjestër zona ushtarake dhe civile. Ai përsëriti thirrjet e tij ndaj Perëndimit për të bërë më shumë sesa thjesht vendosjen sanksioneve ekonomike ndaj Rusisë
