Situata në Afganistan nuk është aspak e mirë, pas përparimit me shpejtësi të talebanëve në territor dhe marrja e Kabulit. Shumë njerëz të dëshpëruar dhe të trembur nga regjimi i tyre dëshirojnë të largohen sa më parë nga vendi i tyre.
Së fundmi në një deklaratë për mediat lidhur me situatën në Afganistan ka folur edhe Ministri i Jashtëm italian Luigi Di Maio. Ai u shpreh se të gjithë duhet të bashkëpunojmë për të arritur sigurinë ndërkombëtare dhe që Afganistani të mos kthehet në një terren për terrorizmin.
“Ne duhet të punojmë së bashku në mënyrë që Afganistani të mos bëhet përsëri një terren ushqyes për terrorizmin dhe një kërcënim për sigurinë e bashkësisë ndërkombëtare.
Ne duhet të punojmë me të gjitha palët përfshirë këtu aktorët kryesorë dhe ato rajonalë të cilët ndajnë të njëjtin shqetësim me ne”, ka thënë ministri i Jashtëm Di Maio.
Kujtojmë se talebanët në Afganistan kanë marrë sërish pushtetin duke kontrolluar me forcë territorin e shtetit teksa mijëra afganë bashkëpunëtorë ndër vite të NATO-s dhe SHBA duhet të evakuohen pasi u rrezikohet jeta e familja. Shqipëria deri më tani pritet të strehojë përkohësisht 3 mijë afganë, por grupi i parë nuk ka mbërritur ende për shkak të trazirave të vazhdueshme në aeroportin e Kabulit
