Padyshim që një nga sektorët që është “vuajtur” më shumë në vendin tonë është ai i bujqësisë dhe i ushqimit.
Nga studio e “Dritare me Rudinën”, Ministri i Bujqësisë, Bledi Çuçi ka folur për problematikat që ky sektor ka dhe është përqendruar më shumë në skemat që janë aplikuar gjatë kësaj periudhe sidomos në bujqësi.
Ka qenë analisti, Shpëtim Nazarko ai që ka thënë se qeveria duhet t’i kushtojë një vëmendje të rëndësishme bujqësisë, ndërkohë që ministri ka ndaluar tek subvencionimi i qumështit.
Sipas ministrit fermerët do ta shesin qumështin me çmim më të lirë, por do të marrin 10 lekë kompensim nga qeveria.
Mirëpo pyetja qëndron, pse duhet qeveria të kompensojë kur mund të vendos një çmim që edhe fermerët të jenë të kënaqur?
Pjesë nga biseda:
Nazarko: Ne jemi të detyruar të importojmë, sepse pjesa më e madhe e rinisë ka ikur jashtë dhe nuk ka kush ta punojë tokën. Ministria e Financave dhe kryeministri duhet t’i thërrasë mendjes për sektorin e bujqësisë, sepse përbën 20 % të PBB.
Çuçi: Kjo masë nga 20 që ishte e çuam në 6 për qind. Qumështi si pjesë e sektorit nuk përfiton shumë nga heqja e imputeve bujqësore dhe ka një problem që i krijohet vetëm qumështit. Duke qenë se fermeri nuk përfiton nga skema tjetër e alternativës, ne kemi menduar kompensim jo me 5 lekë, por me 10 lekë. Do ta shesë qumështin më lirë, por do të kompensohet nga shteti. Fermeri do të jetë përfituesi i drejtpërdrejtë.
