Krimi i organizuar është kthyer në kryefjalë së fundmi dhe kjo për shkak të kritikave të marra sidomos nga ndërkombëtarët.
Këtë herë ka qenë Ministri i Drejtësisë dhe Sigurisë në Hollandë, Ferdinand Grapperhaus ka bërë kritika të forta ndaj qeverisë shqiptare sa i përket masave që janë marrë nga institucionet përkatëse kundër këtij fenomeni.
Sipas ministrit holandez kjo është duke e shqetësuar shtetin, për shkak se bandat shqiptare momentalisht janë furnizuesit kryesore të kokainës, gjë që do të thotë se shqiptarët janë kthyer në rrezik konstant për vendin.
Të gjendur para kësaj situate, është para e arsyeshme që t’i drejtohet një thirrje qeverisë shqiptare, në mënyrë që kjo e fundit të mobilizohet për të luftuar krimin e organizuar dhe trafikimin e lëndëve narkotike.
“Bandat shqiptare po fitojnë gjithnjë e më shumë pushtet. Kriminelët shqiptarë punojnë në mënyrë të organizuar, janë kthyer në partner të besueshëm dhe për kriminelë të vendeve të tjera. Bandat shqiptare të kokainës janë aktive nga Amerika e Jugut deri në Limburg. Kokaina hyn nga shqiptarët përmes portit të Roteradmit. Shqipëria duhet të mendojë seriozisht për zgjidhjen e problemit”.
Mirëpo kjo deklaratë nuk vjen nga hiçi. Një javë më parë ministri holandez ka qenë në Shqipëri ku ka realizuar edhe një takim me Ministrin e Brendshëm, Sandër Lleshaj dhe me Ministres e Drejtësisë, Etilda Gjonaj.
Po ashtu, Grapperhaus në vizitën e tij në Shqipëri kritikoi opozitën për djegien e mandateve duke thënë se problemet e popullit zgjidhen në Kuvend.
