Republika e Kosovës dhe kryeministri i saj në detyrë Avdullah Hoti, duken të vendosur për ta çuar deri në fund marrëveshjen e nënshkruar në Ëashington përpara Presidentit amerikan Donald Trump.
Kështu, Kosova duket se ‘ka thyer akullin’, për sa i përket ‘mini-Shengenit Ballkanik’, ku burime zyrtare nga qeveria e këtij vendit thanë për mediat, se në takimin që pritet të mbahet nesër on-line për ‘Shengenin Ballkanik’, do të jetë i pranishëm edhe kryeministri i Kosovës, Avdullah Hoti.
Në takim do të marrin pjesë kryeministri i Shqipërisë, Edi Rama, ai i Maqedonisë së Veriut, Zoran Zaev, ajo e Serbisë, Ana Bërnabiç dhe kryeministri i Kosovës, Avdullah Hoti.
Lajmi është konfirmuar nga zëdhënësja e Qeverisë, Antigona Baxhaku, e cila ka thënë se, Hoti ka pranuar ftesë për të qenë pjesë e kësaj konference para 10 ditësh.
“Video konferenca do të mbahet në ora 11:00, pjesë e saj do të jetë edhe kryeministri Hoti”.
“Nuk e di se çfarë raportojnë mediat serbe por mund të konfirmojë se Hoti ka pranuar ftesë për këtë konferencë më datën 30 të muajit të kaluar pas takimit të krerëve të tri shteteve tjera pjesëmarrëse. Nuk kam ende ndonjë detaj rreth agjendës”,- deklaroi Baxhaku.
/GazetaReforma.com/
