Një ngjarje e pazakontë ka ardhur nga rradhët e “Nismës Thurje”. Kandidati i qarkut të Dibrës, i cili u prezantua në faqen e kësaj partie sikur do përfaqësonte shtresën e minatorëve, është një gënjeshtër.
Ka qenë vetë Selim Lela i cili thotë se vetëm mbrëmë mori vesh se do ishte kandidat ndërkohë që shton se “Nisma Thurje” ka keqpërdorur një foto të bërë nga ata gjatë një takimi për statusin e minatorit.
Me anë të një postimi në rrjetet sociale, ai thotë më tej se nuk është kandidat dhe i vetmi kandidat nga minatorët është Elton Debreshi.
Kujtojmë se “Nisma Thurje” do të jetë pjesëmarrëse në zgjedhje me 180 deputetë për 12 qarqe të vendit.
Në krye të kësaj partie është Endrit Shabani, i cili kandidon në qarkun e Tiranës, Durrësit, Korcës dhe Shkodrës.
Ndërsa Rudina Hajdari kryeson listën e Elbasanit dhe Rigerta Loku kryeson listën e Lezhës.
Reagimi:
“Mbrëmë kam marrë vesh që qenkam kandidat për deputet nga Nisma Thurje. U habita shumë, se Nismën Thurje e kam takuar për çështjen e statusit të minatorit. Ata më kanë bërë një fotografi për këtë gjë, por kanë keqpërdorur besimin tim.
Unë nuk jam kandidat për deputet. Kandidati i pavarur i minatorëve është Elton Debreshi, të cilim e mbështesim dhe do të fitojë“-për fundon ai duke kërkuar më pas falje për keqkuptimin “
