Juventusi ka fituar si mysafir në ”San Siro” me rezultatin 3-1 ndaj Milanit, duke u rikthyer në garë për titullin e Seria A.
Dy golat e Chiesa-s dhe një i McKennie kanë mjaftuar që bardhezinjtë të fitojnë ndaj Milanit, kryesueses së Seria A, duke iu afruar me 7 pikë tashmë, teksa kanë një ndeshje më pak.
Golin e vetëm për Milanin e shënoi Calabria që barazoi përkohësisht shifrat. Gjithsesi Milan qëndron në krye të tabelës me 37 pikë, Interi më pas vjen i dyti me 36 pikë kurse Juventus përfiton duke u ngjitur në vendin e katërt me 30 pikë.
Duket se tashmë gara në Seria A është mëse e hapur pasi diferenca mes vendit të parë dhe atij të shtatë është 9 pikë.
Edhe pse humbi mbrëmjen e stome, forma e shkëlqyer e Milanit në Serie A këtë sezon, ka bërë që ta rishkruajë veten në librat e historisë së futbollit, pas fitores 3-2 kundër Lazio.
Për shkak edhe të vazhdueshmërisë së rezultateve, skuadra e Stefano Piolit vazhdon të konfirmohet pretendente serioze për “Scudetto”.
“Gjunjëzimi” në San Siro kundër Juventusit, nuk e zbeh qëllimin e trajnerit Stefano Pioli dhe të tijve, të cilët kërkojnë të thyejnë fortesën afatgjatë të Juventusit, me 9 kampionate radhazi në Serie A./Gazetareforma.com/
