Mario Manduzkic është blerja më e fundit e AC Milan. Nënshkrimi i sulmuesit kroat jep një sinjal shumë të qartë: Rossonerët po rifillojnë sfidën dhe po përgatiten për një pjesë të dytë të sezonit si protagonistë edhe në Evropë (në pritje të kthimit të madh në Ligën e Kampionëve). Për gjashtë muajt e ardhshëm tekniku Pioli do të ketë një “as” në mëngë për të rënë në drejtkëndëshin e gjelbër me ose pa Ibrahimovic.
Këtë herë Mario Mandzukic rikthehet në Serie A, por tanimë i veshur me ngjyrat kuqezi, pas aventurës së gjatë dhe të suksesshme me Juventus ku kaloi afro 5 sezone me bardhezinjtë, dhe shënoi 44 gola në 162 ndeshje dhe fitoi 9 trofe.
Sulmuesi kroat iu nënshtua paraditen e së hënës testeve mejkësore përpara vendosjes së firmës në kontratën 6-mujore, nga e cila do të fitojë 1.8 milion euro. Marrëveshja parashikon edhe rinovimin për një tjetër vit në bazë të disa klauzolave që lidhen me paraqitjet e futbollistit dhe arritjet sportive të skuadrës në këtë sezon, siç është edhe pjesmarrja në Champions. 34-vjeçari kroat te kuqezinjtë e Milanit, do të ketë rolin e zëvendësuesit të Ibrahimoviçit, por duke ditur cilësitë e tij, nuk është çudi që ai do të luftojë që të ketë gjithmonë një pozicion titullari në skuadër.
