Më shumë se 200 protestues janë arrestuar rreth e qark qytetit të New York-ut të martën mbrëma ndërsa protestat për vdekjen e afro-amerikanit George Floyd vazhdojnë të përshkallëzohen.
E gjithë bota është e zemëruar për vdekjen e George Floyd, ku të gjithë protestuesit i kanë kërkuar policisë në të gjithë botën që t’i japë fund racizmit dhe brutalitetit.
Mijëra protestues francezë kundërshtuan një ndalim të policisë në lidhje me koronavirusin dhe u mblodhën të martën kundër padrejtësisë racore.
Mijëra të tjerë marshuan në Sidnej, Australi, duke brohoritur “Nuk mund të marr frymë”, ndërsa, në Mbretërinë e Bashkuar, protestuesit dolën në Londër, Manchester dhe Cardiff gjatë fundjavës.
Vdekja e Floyd është bërë gjithashtu një çështje diplomatike, ku shumë shtete janë të tmerruar nga mënyra sesi humbi jetën 46-vjeçari.
Protestat po përshkallëzohen në të gjithë botën, por solidariteti me demonstruesit amerikanë përhapet gjithnjë e më shumë.
