Gjykata e Vlorës ka rrëzuar kërkesën e Mihal Kokëdhimës për lirimin nga qelia.
Kokëdhima pretendon se ka probleme shëndetësore, mirëpo përfaqësuesi i prokurorisë, Saimir Smaka, nuk është bindur nga kry argument.
Pronari i ish-restorant “Panorma” është sëmurë gjatë kohës së qëndrimit brenda qelisë, shkruan “Faxweb”.
Gjithashtu ai ka paraqitur përpara organeve hetimore edhe disa raporte mjekësore të marra në spitalin e Janinës, ku thuhet se vuan nga zgjerimi i aortës së zemrës.
Nisur nga këto prova avokati i tij ka kërkuar lehtësimin e masës së sigurisë, në arrest shtëpiak, me argumentimin se në burg mund të përkeqësohet gjendja e tij shëndetësore.
Mësohet se Kokëdhima ka thënë përpara gjykatësve, se nuk shfaq asnjë rrezikshmëri shoqërore, pasi lokali i është prishur dhe askush nuk mund të konfliktohet me të.
Në të njëjtën kohë, ai ka ngritur pretendimin, se Prokuroria e Vlorës nuk ka kryer një ekspertim financiar, mbi dëmin e shkaktuar në prishjen e pronës së personave të përfshirë në konflikt .
Mihal Kokëdhima u arrestua pas sulmit ndaj turistëve spanjollë, në restorantin e tij “Panorma”.
