Presidenti Meta kishte marrë sot dosje një dosje me vete për të sqaruar dhënien e nënshtetësive shtetasve të huaj, për të cilën akuzohet se ka shkelur kriteret.
Lidhur me dhënien e nënshtetësisë për ish-ministren e Arsimit, Besa Shahini, Presidenti Meta u shpreh se nëse nuk do të ishin respektuar procedurat përkatëse, pra sipas nenit për “interes kombëtar”, Shahini nuk do ishte bërë dot as ministre dhe as qytetare e Shqipërisë.
Më pas ia ka folur për futbollistin Essua Joseph Cobbina, Presidenti Meta tha se është respektuar ligji.
“Kjo këtu është dosja për futbollistin e Tiranës, të cilësuar nga mediat pararojë të kryeministrit si terrorist, kur u pa që iu fik kjo punë u përpoq ta ndizte edhe vetë, duke u ekspozuar si një kryeministër i papërgjegjshëm, këtu është edhe dokumenti i institucionit përkatës që konfirmon që nuk disponohet asnjë e dhënë që cenohet siguria kombëtare. Të përfaqësosh një ekip kampion, apo çdo ekip të Shqipërisë në arenën kombëtare është interes kombëtar dhe publik dhe kjo është sqaruar shumë qartë edhe nga drejtuesit e klubit dhe federatës që kanë bërë këtë kërkesë urgjente për Presidentin, para ndeshjes me Zvicrën. Presidenti ka respektuar ligjin në mënyrën më strikte. Kalojmë edhe tek tjetra, meqenëse ka 20 vjet që merret me Ylli Pangon. Kjo këtu, se mediat tuaja kanë dhënë shumë keq informacione, është konfirmimi nga institucioni përkatës i sigurisë kombëtare për raste të tilla, që edhe zonja ukrainase nuk ka asnjë problem për sigurinë kombëtare, dhe ka 8 vjet që e kanë kërkuar dhe duhet ta kishte marrë për 3 vite sipas procedurave normale”, tha Meta.
/GazetaReforma.com/
