Kryetarja e Grupit Parlamentar të PD, Rudina Hajdari ka zhvilluar një takim surprizë me presidentin Ilir Meta.
Mësohet se takimi është zhvilluar në Presidencë.
Ka qenë vetë deputetja, e cila ka kërkuar takimin me Kreun e Shtetit.
Shkak është bërë ngërçi me Gjykatën Kushtetuese.
Rudina Hajdari ishte e vetmja deputete, e cila i kërkoi Kuvendit, që t’i përgjigjej kërkesës së presidentit për bashkëpunim, në lidhje me votimin e anëtarëve të Gjykatës Kushtetuese.
Ndërkohë nëpërmjët zëdhënësit të tij, Tedi Blushi, Meta ka zbuluar lëvizjen e radhës.
Kreu i Shteti do të kërkojë takim, me të gjithë kryetarët e partive opozitare, që braktisën Kuvendin në shkurt.
Njoftimi
Sqarim i Zëdhënësit të Presidentit të Republikës, z.Tedi Blushi
16 nëntor 2019
I pyetur nga gazetarët lidhur me një lajm që qarkullon në media për një sërë nismash dhe vendimesh shumë të rëndësishme që do të ndërmarrë në ditët në vijim Presidenti i Republikës Sh.T.Z Ilir Meta, Këshilltari për Mediat dhe Zëdhënësi z.Tedi Blushi bën me dije se: Presidenti Meta do të kërkojë takim me të gjithë kryetarët e Partive Parlamentare që braktisën Kuvendin në shkurt 2019, për të diskutuar lidhur me situatën dramatike ku ndodhet vendi. Padyshim do të ketë edhe të tjera inisiativa, vendime dhe takime shumë të rëndësishme!
