2 krerët e opozitës kanë zhvilluar një takim në selinë e Partisëe Demokratike. Ky takim vjen pak ditë para protestës së paralajmëruar të 6 Dhjetorit, ditë kur do të mbahet gjithashtu në Tiranë edhe Samiti BE- Ballkani Perëndimor. Kreu i PL-së u shoqërua në këtë takim nga deputeti i kësaj force politike, Petrit Vasili.
Vetëm një ditë më parë, kreu i Partisë së Lirisë, Ilir Meta konfirmoi se kjo forcë politike do të jetë në protestën e 6 dhjetorit.
Dhe ju e dini që dhjetori po kështu për gjithë shqiptarët e ndershëm patriotë dhe liridashës është muaji i demokracisë dhe i Europës, kështu që pa asnjë diskutim që më 6 dhjetor ne do të jemi të gjithë për të brohoritur se do ta bëjmë Shqipërinë si gjithë Europa, një vend të lirë, ku t’i jepet fund kapjes së shtetit dhe instalimit të mafies në pushtet”, deklaroi Meta një ditë më parë kur u pyet nëse do të jetë i pranishëm në këtë protestë.
Ndërsa sot i pyetur në lidhje me takimin Meta sqaroi: “Nuk është çështje policie, por kushtetute. Jemi për Shqipërinë Europiane dhe jo për regjim policor. Në datën 6 përballë përgjegjësve për kapjen e shtetit dhe minimin e procesit të integrimit të BE. Sigurinë e Europën e kërcënon mafia që kërcënon shtetit për ta kthyer Shqipërinë në bazë logjistike të mafies. Nuk vjen problemi i sigurisë nga qytetarët e Tiranës dhe ata të mbarë Shqipërisë duke protestuar.
